Les mots surlignés font l'objet d'une note
1Monseigneur, bien que ma seur vous escripve toutes nouvelles, je ne veulx laysser pour
2cella vous escripre ayant trouvé ceste comodité pour vous fayre cognoystre que je ne veulx
3estre paresseux à fayre mon debvoyr en votre endroyt. Madame vous a tend tousiours en
4bonne dévostion en ce pays pour y venir passer le reste de cest yver. Dieu vous doinct la grâce
5que ce soyt bien tost et en bonne sancté, quoy adtendant, je vous supplierey très humblement
6Monseigneur, de croyre que je ferey tout ce que je pourrey pour employer mon temps à la
7vertu pour le désir que j’ay de vous donner contentement. Nous avons mandé des lettres à
8Grignan pour vous fayre tenir qui me gardera la vous fayre plus longue, vous avoyr baisé
9très humblement les maintz, priant Notre Seigneur vous donner
10Monseigneur, en parfaicte sancté longue, heureuse vie. De Gargas, ce XXVIIIe novambre
11Votre très humble et très hobéissant serviteur et filz
12Charles de Simienne